Carrito
Non hai máis artigos no teu carro
O cinema e os cines en Santiago
Autores: Fernando Rodríguez Madriñán, José Luis Castro de Paz y José M.ª Folgar de la Calle, Ángel Luis Hueso Montón, Xosé Enrique Acuña, Jesús Ángel Sánchez García, Xosé Ramón Pousa, Mario Eijo Barrio, José Luis Losa, Fernando Cortizo, Miguel Piñeiro Devesa, Eduardo Galán Blanco, Suso de Toro e Moncho Lemos.
Obra colectiva, que toca todos os puntos relativos ao cinema en Compostela, coa que Ed. Guiverny se propón ofrecer unha ampla visión do cinema en Compostela, que, entreverada coa crónica sentimental, aborda desde as orixes ata o cineclubismo ou a implicación da Universidade na difusión e estudo da sétima arte. Resátase tamén a figura do primeiro xornalista autóctono en entrevistar a grandes actores e actrices, e menciónanse casos exitosos do sector da animación, ao tempo que se redescobre unha peza singular do documentalismo dos anos 50 ou se analizan os cines da cidade desde unha perspectiva arquitectónica.
Con este proxecto editorial, no que participaron algúns dos expertos galegos na materia, aspiramos a ofrecerlle ao público un libro sobre o cinema en Compostela cuxo eixo transversal sexa a propia cidade e redescubrir a historia do cinema e das salas de cine de Santiago ao longo do tempo, xunto co seu impacto na vida e na transformación social da que acabaría sendo capital de Galicia.
- Páxinas
- 208
- Formato
- 28 x 21 cm
Ángel Luis Hueso Montón ((Madrid, 1945)
Doutor en Filosofia e Letras pola Universidade Complutense. Incorporouse á Universidade de Santiago como docente no ano 1979 e dende 1990 é catedrático de Historia da Arte (do Cine) nesta mesma universidade.
É académico numerario da Real Academia Galega de Belas Artes, foi Premio José Séller da Academia Galega do Audiovisual e recibiu a Insignia de Ouro da Universidade de Santiago de Compostela e a Medalla do Círculo de Escritores Cinematográficos ao labor literario e docente.
Como resultado das súas investigacións relacionadas co cine, publicou numerosos libros, entre os que se atopan: Historia de los géneros cinematográficos (1976) e Géneros cinematográficos (Materiales bibliográficos y filmográficos) (1983); El cine y la historia del siglo XX (1983) ou El cine y el siglo XX (1998).
Como investigador, dedicou especial atención aos aspectos relacionados co asentamento do cine en Galicia e coa localización e catalogación dos fondos cinematográficos: Catálogo dos fondos cinematográficos nos arquivos públicos galegos (1990), Fontes e documentos sobre cine en Galicia nos arquivos da Administración Central (1992). Nun plano máis xeral, é autor de Filmografía Galega: longametraxes de ficción (1998) e Filmografía galega. Curtametraxes (2002).
Dirixiu o proxecto de investigación para a realización da filmografía española dos anos 40 e varios estudos relativos á recuperación do patrimonio cinematográfico galego.
Comentarios (0)
Non hai avaliacións das clientas polo momento.
Tap to zoom
